У выніку ракетных удараў, якія расійская армія нанесла па Чарнігаве 17 красавіка, загінулі 18 чалавек, пацярпелі 78 чалавек, у тым ліку чацвёра дзяцей, паведаміла Міністэрства ўнутраных справаў Украіны.
У ведамстве адзначылі, што пошукава-ратавальныя работы завершаныя. Работнікі ДСНС выратавалі з-пад завалаў трох чалавек.
«78 чалавек звярнуліся па медыцынскую дапамогу, з іх 37 чалавек знаходзяцца на стацыянарным лячэнні. 12 чалавек у цяжкім стане», — расказаў начальнік Чарнігаўскай гарадской ваеннай адміністрацыі Дзмітрый Брыжынскі ў эфіры марафону навін.
Паводле яго, ашулам у выніку ўдару ў горадзе пашкоджаныя 28 дамоў — 419 кватэр, адзін дом разбураны цалкам.
«Усе адпаведныя службы аказваюць дапамогу жыхарам. Учора аднавілі газа- і водазабяспечанне і святло. Працы працягваюцца», — падсумаваў Брыжынскі.
Нагадаем, расійская армія ўдарыла па цэнтры Чарнігава трыма ракетамі «Іскандэр». Адна з іх трапіла ў васьміпавярховы будынак, разбурыўшы некалькі паверхаў. Пошукава-ратавальная аперацыя доўжылася амаль суткі.
