У 2025 годзе ў Беларусі хочуць увесці некалькі змяненняў па транспартным падатку. Адно з іх датычыць аўтамабіляў павышанай камфортнасці — гэта некаторыя мадэлі Audi, Bentley, BMW, Toyota і іншых вытворцаў. Кіраўнік Мінфіна Юрый Селіверстаў растлумачыў, чаму вырашылі ўкараніць новаўвядзенне для гэтага транспарту.
Сума транспартнага падатку залежыць ад дазволенай максімальнай масы, ёмістасці або прапісаная за адну адзінку транспартнага сродку. Калі звестак пра дазволеную максімальную масу няма, падатак разлічваецца ў памеры мінімальнай стаўкі для адпаведнага тыпу транспартнага сродку.
Нагадаем, для аўто падвышанай камфортнасці сёлета ўвялі падатак у дзесяціразовым памеры (у параўнанні са стандартным). Але ёсць умова: цяпер збор бяруць з аўтамабіляў, не старэйшых за тры гады. Але чыноўнікі хочуць прыбраць гэты ўзрост транспарту. Замест яго ўрад, як плануецца, мусіць вызначыць іншую колькасць гадоў.
Юрый Селіверстаў расказаў, чаму для гэтых аўто вырашылі ўвесці змены. Паводле яго, ад людзей сталі паступаць запыты, чаму трохгадовую люксавую машыну (калі яна пераступае гэты парог) не абкладаць дзесяціразовай стаўкай.
«Калі ў вас ёсць Lamborghini, старэйшы за тры гады, то давядзецца плаціць таксама больш. Гэты запыт паступае ад грамадства і, відаць, ён справядлівы, каб для гэтых люксавых аўтамабіляў не абмяжоўвацца трохгадовым перыядам, а зрабіць так, як вызначыць урад», — сказаў кіраўнік Мінфіна.
Нагадаем, транспартны падатак у 2025 годзе хочуць падняць для насельніцтва ў сярэднім на 6,1%.
Па транспартным падатку ёсць ільготы для некаторых катэгорый насельніцтва. Да прыкладу, зніжка ў 50% прадугледжаная не толькі для ветэранаў ВАВ, інвалідаў I або II групы і пенсіянераў, але таксама ветэранаў баявых дзеянняў на тэрыторыі іншых дзяржаваў і шматдзетных сем’яў.
Чытайце таксама
