Міністэрства замежных справаў Латвіі падтрымала зварот Літвы ў Міжнародны крымінальны суд (МКС) па расследаванні злачынстваў супраць чалавечнасці, учыненых у Беларусі, пра гэта ведамства паведаміла «Белсату».
У МЗС Латвіі паведамілі пра падтрымку пазову Літвы ў МКС на адрас беларускіх уладаў.
«Акрамя таго, міністэрства цесна супрацоўнічае з іншымі дзяржаўнымі ўстановамі падчас ацэнкі зместу звароту і аргументаў, прадстаўленых Літоўскай Рэспублікай», — адзначыла прэс-сакратар МЗС Латвіі Дыяна Эглітэ.
Яна таксама запэўніла «ў нязменнай прыхільнасці Латвійскай Рэспублікі працы МУС у яго прасоўванні глабальнай справядлівасці і эфектыўнай сістэмы міжнароднага крымінальнага правасуддзя».
Нагадаем, Літва 30 верасня перадала ў офіс пракурора Міжнароднага крымінальнага суда (МУС) у Гаазе матэрыялы пра «транспамежных злачынствах супраць чалавечнасці, учыненых Аляксандрам Лукашэнкам і яго суўдзельнікамі ў дачыненні да беларусаў».
Беларускія дэмакратычныя сілы заклікалі краіны — удзельніцы Рымскага статута падтрымаць «намаганні літоўскага боку і агульнае імкненне ўсіх беларусаў — забяспечыць правасуддзе для сотняў тысяч ахвяр і прыцягнуць Лукашэнку і яго суўдзельнікаў да адказнасці за злачынствы, якія ён здзейсніў і працягвае здзяйсняць».
Раней пра падтрымку пазову Літвы паведамілі ў Польшчы.