Ісці адсюль і да заходу сонца. Глядзіце, як выглядае «самая доўгая вуліца ў свеце» (хоць насамрэч гэта не зусім так)

Калі вы захочаце даведацца, якая вуліца лічыцца самай доўгай у свеце, і адкрыеце сайт Кнігі рэкордаў Гінеса, то прачытаеце, што гэта Янг-стрыт у Таронта з уражвальнай працягласцю на 1896 км. Насамрэч гэта не зусім так — рэкорд стаў вынікам мухляжу, падчас якога ёй залічылі даўжыню шашы № 11, што вядзе на поўнач краіны. Тым не менш міф прыжыўся — і менавіта Янг-стрыт займае першае месца ў мностве падборак, а ў самім Таронта працягваюць эксплуатаваць гэтае званне для турыстаў. Сапраўдная яе даўжыня таксама дзівіць — вуліца цягнецца на 86 кіламетраў (гэта ў шэсць разоў больш за праспект Незалежнасці ў Мінску), перасякаючы самы населены горад Канады і яго прыгарады. Тут ёсць дом пад нумарам 21 137. На вуліцы, якую пачалі будаваць яшчэ ў 1795-м (у той год спыніла існаванне Рэч Паспалітая), можна ўбачыць гісторыю станаўлення горада: шматпавярховая сучасная забудова змяшаная са старымі будынкамі. Зірніце, як гэта выглядае.